साप्ताहिक सरसफाई कार्यक्रम अन्तर्गत ढल्केवरमा सरसफाई

बिजय कुमार सिंह
ढल्केवर, जेष्ठ ५ गते ।

धनुषाको मिथिला नगरपालिकको साप्ताहिक सरसफाई कार्यक्रम अन्तर्गत शुक्रवार ढल्केवर चौकमा सरसफाइ गरिएको छ । ''एक घर एक चर्पी मिथिला नागरको शान, पूर्ण सरसफाई युक्त नगर हाम्रो अभियान" भन्ने मूल नाराका साथ नगरपालिकाको आयोजनामा हप्ताको प्रत्येक शुक्रवार सरसफाई गर्ने गरी गएको बैशाख २९ गते शुक्रवारबाट साप्ताहिक सरसफाई अभियान शुरू भएको हो ।

ढल्केवरमा सरसफाई तथा फोहरमैला व्यवस्थित हुननसक्दा नगरनै दुर्गन्धित बन्दै गएको थियो । नगरपालिकाले सरसफाईका साथै नगरमा भएको फोहरमैला व्यवस्थित गर्न समेत सक्रिय भएका छन् । नगरपालिकाले नगरमा सरसफाई तथा फोहरमैला व्यवस्थापन गर्न थालेपछि स्थानीयवासीहरु खुशी भएका छन् । साप्ताहिक सरसफाई अभियानले नगरवासीहरुमा सकारात्मक सन्देश दिएको भन्दै स्थानीय बुद्धिजीवीहरुले खुशी व्यक्त गरेका छन् ।

नगरपालिकाले आयोजना गरेको सरसफाई कार्यक्रममा मिथिला नगरपालिकाका कर्मचारी, विनायक माविका शिक्षक एवम बिद्यार्थी, स्थानीय प्रशासन, म्यादि प्रहरी, राजनीतिकर्मी, स्थानीयवासी लगायतको सहभागीता रहेको थियो ।