धनुषाका सिडिओले कुटपीट गरेको भन्दै लेखापढी व्यवसायी आन्दोलित

जनकपुरधाम, जेठ ४ गते ।

धनुषाका प्रमुख जिल्ला अधिकारी दिलीपकुमार चापागाईले आफुहरुलाई कुटपीट एवं दुरव्यवहार गरेको लेखापढी व्यावसायीहरुले आरोप लगाएका छन् । बिहीबार जिल्ला प्रशासन कार्यालय धनुषामा प्रजिअ चपागाईले आफ्नै कार्यकक्षमा एक एक गरी बोलाएर लेखापढी व्यवासायीलाई बोलाएर १० जनालाई कुटपीट गर्दै दुरव्यवहार गरेको भन्दै उनीहरुले कामकाज ठप्प गरी आन्दोलनमा उत्रेका छन् ।

आफुहरु तोकिए बमोजिमकै दस्तुर सेवाग्राहीबाट लिएर सेवा दिएको तर प्रजिअ चपागाईले बढी दस्तुर लिने गरेको भन्दै एक एक लेखापढी व्यवासायीलाई बोलाएर तथानाम गाली गर्दै आफु स्वयम र बडीगाड लगाएर कुटपीट गरेको लेखापढी कानुन व्यवासयाी एसोसिएसन धनुषाका अध्यक्ष रामसुन्दर यादवले बताउनुभयो । प्रजिअ चपागाईले माफी नमागेसम्म आफुहरुको आन्दोलन जारी रहने उहाँले जानकारी दिनुभयो । माफी नमागे धनुषा जिल्ला लगायत देशै भरि कामकाज ठप्प गरेर कडा आन्दोलन गर्ने अध्यक्ष यादवले चेतावनी दिनुभयो ।

अध्यक्ष यादव आफु घरमा भएको बेला प्रजिअ चपागाईले फोन गरी बोलाएर आफुलाई समेत गाली वेज्जत र कुटपीट गरेको आरोप लगाउनु भयो । जिल्ला प्रशासन कार्यालयका कर्मचारीहरु स्वयम दलाल पालेको र परिसर भित्र कालोधन्धा हुने गरेको आरोप कानुनु व्यवासायीहरुको छ । प्रजिअको बडिगार्डदेखि परिसर भित्र क्यान्टीन सञ्चालन गर्नेहरु दलाली कार्यमा संलग्न रहेको लेखापढी व्यवसायीहरुले आरोप लगाएका छन् । 

यता धनुषाका प्रजिअ अधिकारीले सेवाग्राहीबाट तोकिएको दररेट भन्दा बढी र मनोमानी ढंगले लिने गरेकाले उनीहरुलाई बोलाएर सचेत गराएको तर कुटपीट नगरेको दावी गर्नुभयो । उहाँले लेखापढी व्यवासायीलाई तोकिएको दररेट चर्ट ल्याउन भन्दा पनि नमानेको र सेवाग्राहीलाई अनहक दुःख दिने गरेकाले सचेत गराएको बताउनुभयो । आयिन्दा तोकिए बमोजिम कुनै लेखापढी व्यवासयी वा कर्मचरीले लिए कानुन बमोजिम कारबाही गर्न पछाडि नपर्ने समेत प्रजिअ चापागाईले चेतावनी दिनुभयो । टुडे पाटी