जनकपुरको औषधि पसलहरुमा अनुगमन , अवैध पसलेहरु भागाभाग

जनकपुरधाम , जेठ २ गते । 

जनकपुरको औषधि पसलहरुमा स्वास्थ्य सेवा विभागको टोलीले अनुगमन गरेको छ । विभागबाट आएको सात जनाको टोलीले मंगलबार अनुगमन थालेको हो । 
टोलीले अनुगमन थालेपछि अवैध रुपमा सञ्चालित औषधिपसल धमाधम बन्द गरेर पसलेहरु फरार भएका छन् । 
विना दर्ता सञ्चालित औषधि पसल र प्रतिवन्धित औषधिको विषयमा अनुगमन गरेको टोलीलेका ड्रग ईन्सपेक्टर डा.चन्देश्वर यादवले जानकारी दिएका छन् । अधिकांश विना दर्ता सञ्चालित पसलहरु बन्द गरेर सञ्चालकहरु फरार भएपछि खुलेका पसलहरुमा अनुगमन गरेको उहाँले जानकारी दिनुभयो । धनुषाको लक्ष्मनिया बजार र जनकपुरमा गरेको अनुगमणका क्रममा प्रमाणपत्र नभएका केहि पसलहरु बन्द गराएको छ । 
जनकपुरमा अधिकांश क्लिनिक , औषधि पसल , अस्पताल, मेडिकल लगायतको निजी स्वास्थ्य संस्था २० वर्ष लामो समयदेखि अवैध रुपमा सञ्चालमा रहेको छ । गएको २०७३ पुस २६ गते तत्कालिन धनुषाका सहायक प्रमुख जिल्ला अधिकारी राजेश गिरीको नेतृत्वमा रहेको अनुगमण टोलीले अनुगमन गरेपछि त्यसको विरोधमा औषधि व्यावसायीसंघले वैध रुपमा सञ्चालित औषधि पसल बन्द गरेर आन्दोलनमा उत्रेको थियो । औषधि व्यवासायी संघको आन्दोलन प्रभावले त्यतिबेला तत्कालिन अनुगमन टोलीका संयोजक गिरीको धनुषाबाट सरुवा भएको थियो । जसको कारण अवैध रुपमा सञ्चालित निजी स्वास्थ्य संस्थाका साञ्चालकहरुको मनोवल बढेको थियो । टुडे पाटी