संशोधन नभए कुनै पनि हालतमा चुनाव हुन दिन्नौं : मधेशी मोर्चा

काठमाडौं, ६ फाल्गुण । सरकारले एकातिर स्थानीय तहको निर्वाचनको तयारी गरिरहेको छ भने अर्कोतिर संयुक्त लोकतान्त्रिक मधेशी मोर्चाले आन्दोलन गर्ने चेतावनी दिँदै आएको छ । मोर्चाका नेताहरुले प्रचण्ड नेतृत्वको सरकार गठनका बेला भएको तीनबुँदे सहमतिअनुसार अविलम्ब संविधान संशोधन गरी संविधानका त्रुटिहरु सच्याउनुपर्ने अडानमा अहिले पनि अडिग नै छन् । 

मधेशी मोर्चासँग फेरि राजनीतिक बेइमानी हुने आशंका व्यक्त गर्दै मोर्चाका एक नेताले भने, ‘हाम्रो माग सम्बोधन नगरेर निर्वाचन हुन्छ भन्नु दिवास्वप्न मात्र हो ।’ ती नेताका अनुसार मोर्चाले निर्वाचनको मिति घोषणा भएकै दिन आन्दोलनमा जानेछ । मधेशी मोर्चाले संसदमा दर्ता भएको संविधान संशोधन विधेयक परिमार्जनसहित पास भएपछि मात्र चुनावमा जान सकिने बताउँदै आएको छ । 

एनसेलले ल्यायो फेसबुक फ्रि अफर

फाल्गुण ३ गते ।

निजी दूरसञ्चार प्रदायक कम्पनी एनसेलमा आज रातिदेखि फेसबुक निःशुल्क चल्ने भएको छ । एनसेलले फेसबुकसँगको सहकार्यमा निःशुल्क फेसबुक सेवा सुरु गरेको हो । मंगलबार राजधानीमा आयोजित कार्यक्रममा एनसेलले ‘सबैका लागि इन्टरनेट’ अभियान अन्तरगत निःशुल्क सेवा सुरु गरिएको बताएको छ ।

एनसेलका अनुसार अब फेसबुक लगइन गरेर लाइक, कमेन्ट, शेयरका साथै स्टाटस लेख्न पैसा लाग्दैन । साथै फोटो अपलोड गर्न पनि पैसा लाग्दैन । तर, फेसबुक निःशुल्क सेवामा अरुले अपलोड भएका तस्वीरहरु हेर्न सकिने छैन । यसका लागि इन्टरनेट वा डाटा नै प्रयोग गर्नु पर्ने हुन्छ । साथै फेसबुक (म्यासेन्जर) च्याटका लागि पनि डाटाको प्रयोग गर्नु पर्ने हुन्छ । एनसेलले हाल निःशुल्क ट्विटर अफर पनि दिएको छ ।

रामसपाकाे वडा इकार्इ समिति गठन